Chapter 60

"Lesie, schedule ko?" Tila ayaw pa'ng sabihin ng aking sekretary at kaibigan ang schedule ko para sa linggong ito.

Tinaasan ko siya nang dalawang kilay kaya bumuntong hininga siya bago nagsalita.

"A whole week meeting with the clients." Iyon lang naman pala ang sasabihin niya ay nagpapa-suspense pa.

Kinagatan niya muna ang tsokolateng nasa kan'yang kamay, mula pa iyon sa garapon ng chocolates na gawa ni Mateo.

"Hindi ako makakasama but Mateo will go with you." Napatigil ako sa pagsusulat nang idagdag pa iyon ni Lesie sa sinabi niya.

Iniiwasan ko na nga ang lalaki tapos ay makakasama ko pa sa mga client meeting ngayong linggo.

"How about Mr. Morales?" Mas gugustuhin ko pa yatang makasama si Mr. Morales ngayon kaysa kay Mateo.

"Sure ka gusto mo makasama 'yon?" tila nanunuyang tanong nito. Mr. Morales was good but he kept on interrupting in meetings outside the office. Hindi tuloy ako makapagdesisyon ng tama kapag siya ang kasama ko.