Chapter 59.2

Saka pa lang napansin ni Ynzo ang mga tao sa labas na abala sa paglalaba at pagdi-dis-infect ng mga damit at gamit na ibinebenta roon. Naroon din ang baklang ipinagtabuyan kanina. Paglalabada pala ang trabaho nito sa ukay-ukay na iyon.

“Let’s go, Hubby. I dare you! Sa halagang two hundred pesos, pagandahan tayo ng outfit ngayon,” panghahamon ni Veron.

“Seriously, Wifey?” halos manlaki ang mga mata ni Ynzo at hindi makapaniwala sa sinabi ng asawa.

Para kay Ynzo ay napaka-imposible yata niyon dahil ultimo underwear na sinusuot niya ay nagkakahalaga na ng libo-libo. Paano niya mapagkakasya ang dalawang daang piso para sa buong kasuotan?

Nang lingunin ni Ynzo si Veron ay napataas at baba ang mga kilay nito habang malawak ang pagkakangiti.

“Ahm, excuse me, Sir and Ma’am. May tinda rin po kaming underwear, brand new po. Twenty pesos lang po ang isa. Baka lang po kasi kailanganin niyo rin,” pagsingit ng isang babae na nag-a-assist doon.

Tinitigan sila nito mula ulo hanggang paa at nakumpirm