CHAPTER TWENTY-SIX

CHAPTER TWENTY-SIX

Kung busy si Gerald sa harap ng computer o kaya sa hawak niyang phone, alam ni Diane na may kausap itong i-mi-meet lalo na kung nakangiti ito at maagang aalis sa office. Nagpapakapusong-bato siya ngunit sa katulad niyang hindi naman sanay makipaglaro, nanunoot sa kanya yung sakit. Idinadaan na lang niya sa lahat sa paghinga ng malalim at pag-isip na maayos din siya. Makakalimutan din niya ang pagmamahal niya kay Gerald.

Isang gabing hinihintay niyang daanan siya ni Sackey sa tapat ng kanilang Building nang binusinahan siya nang noon ay paalis na ring si Gerald. Siniguro muna niyang walang ibang tao sa likod niya bago niya ito nginitian. Siya lang ang nakatayo roon at hindi din naman siya nakaharang sa dadaanan nito dahil nasa bangketa na siya.

Gusto ni Gerald na bumawi sa pagkapahiya niya kay Diane ilang araw na ang nakakaraan. Kaya nang makita niya itong nag-aabang ng masasakyan ay inihinto niya ang kotse para pasakayin siya. Kahit hanggang sa bahay pa nila ay i