Chapter 61

Caroline's POV

Nagising ako nang narinig ko ang tunog ng alarm clock. Iminulat ko ang aking mga mata at bumangon. Pinatay ko ang alarm clock saka hinanap sa loob ng bag ang cellphone ko. Napahawak ako sa ulo ko, himala at hindi ito gaanong masakit. Nakita ko ang sampung missed calls galing kay Daddy at limang missed calls naman galing kay Alexander. Pagod akong umupo sa kama at isa-isang tiningnan ang sandamakmak na mensahe galing sa pamilya ko.

From: Daddy

I know you're still mad at me. I want you to take a break muna. Huwag ka munang pumasok ngayong araw dahil naka-on leave ka ng isang linggo. Anyway, sa susunod na araw na ang kasal ng pinsan mong si Julia baka gusto mong magbakasyon muna sa kanila ng isang linggo. Namimiss ka na raw ng mga pinsan mo sa Cebu. Hindi mo rin daw sila pinapansin sa social media mo kahit online ka kaya tinawagan nila ako kahapon.

Bumuntong hininga muna ako bago nag-reply kay Daddy ng OK. Mabuti naman at naisip niya ang kapakanan ng sarili ko kung pip