Chapter 60

Lumapit ang matandang lalaki sa akin. Sinubokan niya akong hawakan ngunit mabilis akong lumayo sa kaniya.

"I'm not your son." Ibinalik ko sa kaniya ang papel. "Baka ibang Mary De Castro ang hinahanap niyo at hindi ang ina ko," dagdag ko bago sila tinalikuran.

Binilisan ko ang paglalakad paakyat ng hagdanan. Wala akong panahon para patulan ang trip nila. Paano magkakaroon ng asawa si Mama kung isang beses lang siyang ikinasal?

Napapailing na lang ako habang iniisip ang sinabi ng matandang lalaki. Magkapareho kami ng pangalan ng anak niya pero magkaiba kami ng apelyido.

Huminga muna ako ng malalim bago binuksan ang pintuan nang nasa labas na ako ng room 100. Sumilip ako sa bintana, nakita ko si Mama na nakahiga sa kama at maraming tube ang nakalagay sa katawan niya.

"Miguel..."

Napalingon ako kay Love Rein. Basang-basa ang damit niya at magulo ang buhok. Naglakad siya patungo sa akin. Napaigtad ako nang bigla niya akong yakapin at isinubsob ang mukha niya sa dibdib ko. Umiiyak siy