Book 4: Chapter 1-Jenny

Naipamaypay ni Jenny ang palad sa mukha nang matapos na ang kasal ng kapatid. Masaya siya para sa kuya niya pero nainip siya nang husto dahil sa haba ng oras sa pagseremonya. Kung siya siguro ang nasa harap ng altar ay baka nakatulog na siya.

"Anak, tayo na sa reception." Tawag ni Stella sa anak na dalaga.

Pahintamad na tumayo si Jenny at sumunod sa ina. Alam na niya ang mga gagawin doon at tiyak pilitin na naman siyang tumayo kahelera ng kadalagahan upang sumalo sa bouquet.

Pagdating sa reception, lalong dumami ang tao at halos malula si Jenny. Balak na niya sanang magtago nang makitang ipasalo na ang bulaklak na hawak ng hipag ngunit huli na.

"Jenny, here's for you."

Nanlaki ang mga mata ni Jenny nang makitang inaabot sa kaniya ng pasaway na hipag ang bouquet nito. "Hindi ba dapat ipasalo mo iyan sa lahat?" Halatang pilit ang ngiting pumaskil sa kaniyang labi.

"Ayaw ko, gusto ko ikaw ang sunod na ikakasal."

Gulat na hinawakan ni Jenny ang bulaklak at inilagay na iyon sa kamay niya