Chapter 14-Bisita

"Siya ba ang sinasabi mong kaibigan mo noon, Diana?" tanong ni Vanz sa kapatid.

"Kuya!" Nakangiting kumapit siya sa braso ng kapatid. "Siya nga po, kuya at huwag mo sana siyang pahirapan dito."

Napakamot si Mauro sa batok at lalong hindi na siya makatanggi ngayon sa paanyaya ng dalaga. Kilala niya si Vanz. Alam niyang isa ito sa nominated as CEO ng naturang kompanya ngayon.

Nakangiting hinarap ni Vanz ang lalaki. "Ikinagagalak kong makilala kang muli. Pasensya na kanina sa conference room kung marami akong katanongan."

Napalabi si Diana at marahang hinila-hila ang braso ng kapatid. Ipinararating dito na hindi niya nagustohan ang ginawa nito kanina.

"I understand, business is business. Kahit ako ang nasa katayuan mo ay ganoon din ang gagawin ko. Salamat sa pagiging professional at huwag niyo sana akong bigyan ng special treatment dahil naging kaibigan ko ang kapatid mo."

"Mauro, don't worry dahil wala na kayo sa trabaho kaya ganito makipag-usap sa iyo ang kapatid ko. Masanay ka na s