Chapter 15-Muling pagkikita

Ma'am, ipaghanda ko po kayo ng paborito niyong almusal." Nagkukumahog na lumayo na si Marimar sa dating asawa ng amo.

Pipigilan sana ni Stella ang katulong ngunit nakalayo na ito. Ibinalik niya ang tingin kay Charles, para siyang namalikmata nang mabanaag sa mga mata nito ang kakaibang emosyon. Tila ba dinadaya siya ng paningin at nababasa niya sa mga titig ni Charles na nangungulila ito sa kaniya.

Napakurap si Charles nang matauhan. Parang hindi niya nakilala ang sariling damdamin kanina at panandaliang nawala sa sarili. "Mabuti naman at may natira pang kunsensya diyan sa puso mo at naisip mong dalawin si Lolo."

Bumalik ang galit sa kaniyang puso dahil sa sinabi ng binata. Mukhang dinaya nga lamang siya ng sariling paningin kanina. Arogante pa rin ang lalaki at walang amor sa kaniya. Ang tingin pa rin nito sa kaniya ay mukhang pera at mapagkunwari.

"Ayaw ko ng gulo. Hindi ako nagpunta dito para makipag usap sa iyo."

Sandaling natigilan si Charles dahil sa malamig na pakipag usap sa