chapter 41 (Jocelle)

Dalawang araw nang wala si Michael dahil sa conference na dinaluhan nito.

Kagustuhan ko pa rin iyong nasunod na manatili ako rito sa iniupahan ko sa halip na doon pansamantalang tumira sa bahay niya o sa bahay ng mga magulang niya. Kapalit nga lang ay ang pagpayag ko na laging nakabuntot sa'kin ang ilang mga bodyguard niya.

Hinayaan ko na lang tutal ay hindi naman nakaabala ang mga ito sa normal kong ginagawa araw-araw. Hindi ko nga gaanong napapansin ang mga ito pero ilang beses kong naramdaman na may nakamasid sa'kin na kinumpirma naman ni Michael na mga tauhan niya.

Mula sa pag-aayos ng mga bagong pinamili kong groceries ay nabaling ang atensiyon sa kumakatok sa pinto.

Mukhang ang kapatid na ito ni Amor na nangakong dadaanan ang nilagyan ng mga ulam no'ng nakaraan. Sa pag-aakalang ito na nga ang dumating ay malaki ang ngiting binuksan ko ang pinto.

Agad ding napalis ang ngiti ko nang bumungad sa'kin si James na siyang kumakatok. Hindi ko alam kung papaano nito nalaman itong tinitir