Chapter 23

Chantria

“Una kong naging kaibigan ang kakambal mo, si Carleigh,” panimula ni Iwatani. Narito kami sa bakuran ng bahay nila habang nakatanaw sa mga dumadaang sasakyan. Pareho kaming umiinom ng kape matapos naming makapag-dinner.

Tahimik lang akong nakikinig sa kwento niya. Gaya ng sabi ko, hahayaan ko siyang ipaliwanag kung ano talaga ang nararamdaman niya. Kung galit siya sa ‘kin, kailangan kong tanggapin ‘yon.

“Nagkakilala kami dahil pareho kami ng gym na pinupuntahan noon sa Canada. Noong nabubuhay pa kasi si tatay ay palagi niya akong sinasama roon dahil mas maganda ang turo kaysa rito. At isa pa, naroon ang main business ng pamilya niyo kaya kailangan ko rin iyong pag-aralan.”

“Bata pa lang pala ay magkaibigan na kayo,” sabi ko, “pero bakit hindi kita kilala? Madalas din akong magpunta sa gym kasama siya at si Chanel.”

Humigop muna siya sa kaniyang kape bago nagsalita. “Lagi na kitang nakikita noon kasama si Carleigh pero sa tuwing darating kayo ay pauwi naman ako. Hindi gaya niy