CHAPTER 16

"Kita na lang tayo sa bar, Tam... Sir Renz!" pahabol na sigaw ni Crisanta habang pasakay na rin ito sa sariling sasakyan.

Maging sina Zenny at ang iba pang empleyado ay nagkanya-kanya na rin ng alis. Katulad ni Crisanta, ang iba ay may sariling mga sasakyan. Ang iba naman ay nakisabay sa iba nilang katrabaho.

Gumanti ng kaway si Tamara kay Crisanta at hinintay niya pa itong makaalis na katulad ng iba. Si Nicholas naman ay nakita niyang naglakad na rin patungo sa sarili nitong kotse. Isang sulyap pa ang iginawad sa kanya ng binata bago matamis na ngumiti.

"See you later, Tam," wika nito bago binuksan na rin ang pinto sa may driver's seat ng sasakyan nito. Isang ngiti lang din ang sinagot niya sa binata bago naglakad na sa bahagi kung saan nakaparada naman ang sasakyan ni Lorenzo.

"Kailangan ba talagang hintayin mo silang lahat na makaalis bago ka lumapit sa akin? Why do you keep on making me wait?" paangil na saad ni Lorenzo sa kanya. Nakabukas na ang pinto sa may driver's seat nito ng