CHAPTER 17

Agad na iginala ni Tamara ang kanyang paningin nang makarating siya sa labas ng bar. Nagbabaka-sakali siyang makakita ng taxi at nang masakyan na pauwi sa condo unit ni Lorenzo. May mangilan-ngilang dumaraan ngunit bago pa man siya makapagpara ay agad na siyang natigilan.

"Tamara," narinig niyang tawag pa ni Nicholas sa kanyang pangalan. Nang tumayo siya kanina mula sa kanilang mesa at magpaalam na mauuna nang umuwi ay sumunod sa kanya ang binata.

Hindi pa nga sana sang-ayon ang mga kasamahan nila na umuwi na siya. Ayon sa mga ito ay maaga pa at manatili muna sila roon ng ilang oras pa lalo't may rason naman para mag-enjoy sila.

Pero nais nang umuwi ni Tamara. Isa sa mga rason ay ang katangahang ginawa niya sa sunod-sunod na pagtagay na ginawa. Hindi niya alam kung anong uri ng alak ang ininom niya kanina. Ang alam niya lang ay mas matapang iyon kaysa sa lady's drink na mas nauna na niyang tinikman kanina.

Dala ng inis na hindi niya alam kung saan nagmula ay nagpasya nga siyang uminom