CHAPTER 25

Lorenzo cursed silently. Daig niya pa ang isang teenager na nasukol sa isang bagay at hindi alam kung paano magpapaliwanag sa kanyang mga kaibigan. Lahat ng mga ito ay nakatitig sa kanila ni Tamara at naghihintay ng ano mang sasabihin niya.

Alam niyang sa apat ay si Ethan ang dapat niyang kausapin nang masinsinan. Wala pa man siyang sinasabi ay alam na niya ang tumatakbo sa isipan nito, kung ang pagbabasehan ay ang uri ng titig na iginagawad nito sa kanya.

He cleared his throat. Mas niluwagan niya pa ang pagkakabukas ng pinto ng kanyang condo unit saka umatras para papasukin na ang kanyang mga kaibigan. He had no choice. Alam niyang hindi rin naman siya titigilan ng mga ito sa pang-uusisa.

"Come inside," seryoso niyang saad sabay lapit kay Tamara. Hinawakan niya ito sa kanang braso saka iginiya muna patungo sa kanyang silid. "Go to my room first and change your clothes, Tamara," bulong niya dito na alam niyang nakuha naman ng dalaga.

She was not wearing decent clothes right at that mo