Chapter 50

Savina Pov

Ang bilis ng tibok ng aking puso habang nakakapit ang ajing mga braso sa leeg ni Desmon. Nakaramdam din ako ng saya. Iniligtas niya ako dahil ayaw niya akong masaktan. Nakalimutan man niya ako ay naalala naman ako ng kanyang puso. Kaya gagamitin ko ang aking puso para muling mapaibig siya at tuluyang magbalik ang kanyang mga alaala.

"Bakit mo ako iniligtas, Desmon? Natatakot ka ba na masaktan ako kapag nahulog ako sa lupa?" deretsang tanong ko sa kanya.

Biglang kumunot ang noo ni Desmon sa pagkakatingin sa akin. "Huwag mong lagyan ng anumang kulay ang ginawa kong pagliligtas sa'yo, Savina. Ayoko lang mamatay ka bago pa man sumapit ang eclipse," madilim ang mukha na sagot niya sa akin.

"Paano naman ako mamamatay sa ganyan kataas lamang? Hindi kaya ang OA naman ng reaksiyon mo?" tanong ko sa kanya habang pinipigilan ko ang pagsilay ng isang ngiti sa aking mga labi. Sa pagkagulat ko ay bigla na lamang niya akong binitiwan. Una ang puwitan na bumagsak ako sa lupa. "Ouch! Bak