Chapter 23

Nakaramdam ng tawag ng kalikasan si Arielle kaya maingat siyang bumangon sa kama niya. Naka-sandig lamang sa gilid ng kama niya ang crutches niya kaya hindi na siya nagtawag pa ng ibang tao para magpaalalay papunta sa banyo. Naisipan niyang maligo na rin para mapreskuhan ang buo niyang katawan.

Hindi na masyadong maitim ang kanyang mga pasa sa katawan at mukha. Ang mga baling buto naman niya ay unti-unting naghihilom ngunit hindi pa rin siya maaaring gumalaw ng mabilis at may puwersa. Ang paa naman niya ay nawala na ang pamamaga ngunit nakakaramdam pa rin siya ng sakit kapag itinatapak niya sa sahig ng normal. Ngunit kapag gumagamit siya ng crutches ay hindi gaanong sumasakit ang paa niya pero sumasakit naman ang mga bali niya sa katawan. Ngunit wala siyang choice kundi ang gamitin ang crutches kapag bababa siya sa kama dahil mas hindi kaya ng paa niya ang bigat ng buo niyang katawan.

Maingat at dahan-dahan siyang naglakad papunta sa kabinet para kumuha ng pamalit niyang damit pagkat