Chapter 22 - Ang Gusto Nang Lahat Nang Ito

AT ANG buong inakala ni Ffion na iyon na ang simula ng magandang pagsasama nila ni Audric, nagkamali siya. Dahil kinaumagan, tumawag ang kaniyang Amain na nasa Hospital ang kaniyang Ina. Kaya kahit ayaw niyang iwanan ang lalaki na mag-isa sa Villa, wala siyang magawa kundi ang bumalik ng Maynila.

Pinakiusapan niya si Manang Minda at Manong Lito na ang mga ito muna ang bahala sa asawa niya. Naiintindihan naman siya ng mag-asawa at sinabihan mag-ingat siya sa byahe. Kahit mabigat ang kaniyang dibdib, nagpaalam siya kay Audric. Wala naman sagot mula sa lalaki. Tinalikuran lang siya nito at nagtungo sa kusina. Nasaktan siya sa malamig na pakitungo nito sa kaniya. Kahapon lang ay masaya silang naglalaro sa ilalim ng ulan. Kahapon lang ay para silang batang bumalik sa nakaraan pero ano pa nga ba ang magagawa niya?

Pinapangako ni Ffion na babalik siya agad. Mahalaga rin ang kaniyang Ina at nag-iisang kamag-anak lang siya nito kaya kailangan niyang bumalik ng Maynila. Personal niyang kukusmut