Chapter 26

"Malinis ba ang pagkakaligpit sa kaniya?" Humithit ng sigarilyo ang taong nakaupo sa swivel chair. May suot itong maskara. Binuga nito sa hangin ang usok.

"Malinis, Boss. Kung titingnan, namatay siya dahil sa stress lang. Walang makikitang lason sa kaniyang katawan."

"Mabuti. Kailangan niya na rin magpahinga." Ngumisi ito. "Tawagan niyo ang numerong ito." May binigay itong numero. Ang numero ito ng babaeng nagngangalang Ffion. "Kayo na ang bahala kung paano niyo takutin iyan para hindi magsalita. Baka may nakanta ang kaniyang Ina sa kaniya, mahirap na at magkaletse-letse."

"Yes, Boss." Sabay-sabay na sagot ng dalawang lalaki at umalis.

Ngumisi naman ang taong nagsisigarilyo. Tinanggal nito ang suot na maskara at tinago iyon sa ilalim ng desk. Pinatay nito ang hindi pa ubos na sigarilyo at natawa. Ang mahinang tawa nito ay nauwi sa malakas na halakhak...

HINDI NA nagkaroon ng lamay. Kaagad na pinalibing ng kaniyang Amain ang kaniyang Ina kinabukasan matapos makuha ang katawan nito sa m