Chapter 29

Natigilan si Ffion nang maramdaman niya ang mahigpit na yakap ni Audric. Sandaling huminto ang kaniyang mundo sa ginawa nito. Napatanong siya sa kaniyang isipan pero wala siyang makuhang sagot kung bakit siya niyakap nito ngayon.

"O-okay ka lang?"

"Where have you been? Pinag-alala mo 'ko!" May galit ang boses nito nang dumestansya sa kaniya. Tagos ang tingin nito sa kaniya.

"D-diyan sa labas kasi—"

"Akala ko umalis ka ng tuluyan."

Parang may kung anong paru-paro ang dumaan sa kaniyang harapan. Hindi niya makapa ang kaniyang puso. Nag-alala sa kaniya si Audric? Ito na ba 'yong hinihintay niya? Napangiti siya kahit nalulungkot ang kaniyang puso.

"Hindi ako umalis. Tulog ka pa kasi nung magising ako. Maaga rin akong nagising kaya..."

"Okay-okay. Let's eat, please? Timplahan mo rin ako ng kape, ha?"

Tuluyan nahulog ang kaniyang puso sa malambing na boses ng asawa niya. Parang siyang dinuyan sa alapaap kahit napupuno ng lungkot ang kaniyang puso dahil sa pagkawala ng babaeng importante s