Chapter 25

"OKAY ka lang? May nangyari ba?" bungad sa kaniya ni Amazi. Nagtatakang napatingin ito sa kaniya na parang hinabol siya ng limang demonyo.

Mabilis siyang umiling sa naging tanong ni Amazi. Inayos niya ang sarili at sinuklay ang buhok gamit ang kamay. "Salamat sa pagbantay. Pwede ka ng bumalik sa trabaho mo. Pasensya ka na at masyado akong nakaabala, Amazi."

Ngumiti lang ito at namulsa ang isang kamay. "Sige, kailangan ko na talagang umalis. Mamaya pag-uwi ko ay dadaan ako rito para makipagkwentuhan at 'di ka ma-bore."

Tango lang ang kaniyang sinagot at umalis na ang binata. Naligo rin siya sa banyo na nandoon at simpleng bestida na kulay pastel yellow ang kaniyang suot. Inayos niya ang kaniyang buhok at kahit basa pa ito, pinusod niya na iyon at nilagyan ng ribbon.

Nagpasalamat siya kahit papaano nq hindi lumitaw si Lorenzo. Alam niya na kung bakit hindi at kumalma siya sandali sa parteng iyon.

"F-ffion..."

"My!" Kaagad siyang dumalo sa kaniyang Ina nang tawagin nito ang kaniyang pang