Chapter 75

Natigil ang lahat ng katulong sa kanilang mga ginagawa dahil sa biglaang pagdating ng tatlong magarang sasakyan. Marahil ay nagtataka ang mga ito kung sino ang kanilang bisita. Nang humimpil ang aking kotse sa tapat ng mansion ng mga Aragon ay seryoso ang mukha na bumaba ako ng sasakyan. Kita ko kung paano lumaki ang mga mata ng mga kasambahay dahil sa matinding pagkagulat halos sabay pa ang mga ito na napasinghap. Binalewala ko ang presensya nila at mas pinagtuunan ang paligid ng mansion. Wala pa rin itong pinagbago ngunit sa patuloy na pag-ikot ng aking mga mata ay napako ito sa bahagi ng bakuran. Natigilan ako ng makita ko ang mga nagtataasang puno ng mga rosas na may dalawang klase ng kulay ang mga bulaklak, puti at pula.

Imbes na maakit at matuwa sa mga naggagandahang mga bulaklak nito ay tila bumigat pa ang loob ko. Dahil ito ay nagpapaalala ng aking kainosentihan. Isang mapait na ngiti ang lumitaw sa mga labi ko bago muling ibinaling ang atensyon ko sa malaking pintuan ng man