Chapter 6 - THE FAMILY REUNION

[KNIVES' POV]

“Why can’t you just move on, Knives? Act just like a civilized person, ano pa ba’ng pinaglalaban mo?”

I clutched my hair. I was talking about something else, but inentrahan naman nya ako ng iba. Napakawala rin kwentang kausap ng aking asawa.

“I’m still having jet lag, Divine, kaya hindi ako nakapunta. Let’s not talk about this, okay?”

“What do you wanna talk about, huh? You want us to talk about how much we adore each other? Hahaha!” she laughs sarcastically.

“I wanna hear how you're gonna kill me,” ibinalik ko sa kanya ang pagka-sarcastic nya.

“All is good, Knives. Wala namang nabago. You just left the other day; nagtatanong ka na agad ng update? Call your sec—”

I saw Dad coming, kaya pinatayan ko na si Divine ng cellphone. Puro ka-badtrip-an rin lang naman ang sinasabi nya.

“Son,” he greets his loving son as he sits beside me in the long table. “Ano’ng nangyari bakit hindi ka nakarating kagabi?” he says, sounding civil.

Snappy pa rin si Dad, hindi sya mukhang malapit nang mag-senior sa itsura nya. Hinanap ko sa kaibuturan ng puso ko ang saya na makita syang muli after twenty plus years, but I came up short.

“Jet lag, Dad," tinitigan ko ang nakataob ng dinner plate sa harap ko.

“Okay.” Iyon lang ang sinagot nya.

Napatingin ako sa kanya. Naghintay ako ng kasunod ng 'okay' na sinabi nya. Mas inaasahan ko kasi iyong magagalit sya sa akin sa hindi ko pagsipot sa dinner na si-net nya.

“Nagkita na kayo ni Kataleia sa bridal shop?” He is talking about the 'other' daughter.

“No, that girl lacks any sense of punctuality.”

“She waited for you last night for almost two hours, Knives.”

“Hindi ko hiniling sa kanya ‘yon,” bumulong ako.

“Please respect her and your Tita Marisa, please," pakiusap nya sa akin. "Magiging pamilya na natin sila. Alam kong galit ka sa ‘kin, hindi ko kayang alisin sa ‘yo ‘yon, matanda ka na. Just please, give other people a chance to prove themselves. They won’t be a bother to you or to anyone else. Napakabait ni Kataleia, Knives. Pihadong makakapalagayan mo sya ng loob."

I kept my silence.

Nahihimigan ko kay Dad na pabor na pabor sya sa anak na babae ng kanyang mapapangasawa. Hindi ko pa nakikita ang babaeng iyon pero pangit na ang impresyon sa akin nito.

Iniwan ko syang nakaupo sa long table sa comedor, tutal hinihintay pa naman namin ang pagdating ng mga nanggaling sa bridal shop. I light my cigar up and stare blankly at the front gate.

Hindi kalaunan ay dumating ang SUV na sakay-sakay ang aking madrasta, kasunod nito ang sasakyan ni Atsi Olivia.

Pinakat ko ang ngiti sa aking mukha.

“Tita Marisa, you look great!” bati ko sa kanya pagbaba nya ng sasakyan, medyo nahihiya pa sya sa akin nang bineso ko sya. Sinalubong din sya ni Dad. Nakita ko ang ngiti ng aking ama sa gilid ng mata ko sa gesture ko.

“Hello Knives, thank you for coming,” ngiti nya sa akin na medyo naiilang, inakbayan sya ni Dad.

“That’s nothing, Tita, anything for you and Dad,” sabi ko naman.

“Hi shoti! Iniwan mo ‘ko sa shop ni Alicia, bad ka. ‘Kala ko na-miss mo ‘ko?!” bungad sa akin ni Atsi Olivia nang makita nya ako pagbaba nya ng sasakyan, inilahad nya agad ang mga braso nya para yakapin ako. Naamoy ko agad ang alak sa hininga nya.

“Atsi, you’re drunk,” sita ko sa kanya, pero hindi ako galit. More on naaawa ako sa kanya.

Kahit once in a blue moon lang kami magkita ni Atsi ay close na close kami, lagi kaming magkausap sa telepono. Alam ko rin ang pinagdadaanan nya, nakwento na nya sa akin. Pero wala akong magawa sa pagka-optimistic nya sa mga bagay-bagay.

“Hindi ah, konti lang. Hahaha!” she fondly brushed my hair. “So... you’ll move in here for the rest of your vacation?”

“Hindi Atsi, sa hotel pa rin,” ngiti ko sa kanya.

“Ano ka ba naman, Knives! Bahay mo rin naman ‘to eh. Please... Kahit para na lang sa akin? Magba-bonding tayo,” kinulit na naman nya ako na dito na sa mansyon humimpil habang hinihintay ang araw ng kasal. Kaso ayoko dito, para akong nasasakal. Napakalungkot ng mansyon na ito para sa akin.

“Sige Atsi, pag-iisipan ko ‘yan, okay?" niyakap ko ulit ang namamayat nyang katawan. "I missed you.”

Pinagmasdan ko ang asawa nyang si Mike na paparating na ngiting-ngiti sa akin.

“Bro,” bati ko sa kanya. Nakipag-kamay pa sya sa akin.

“You look... rich, bro!” hindi ko alam kung matutuwa ba ako o hindi sa bati nyang iyon. “I saw your BMW outside. Ang ganda! How much is that?”

“Worth buying for,” iyon lang ang sinagot ko sa nakakaloko nyang itsura.

“Nasa’n ang anak nyo, Tita Marisa, I thought dito na rin sya nakatira?” baling ko kay Tita Marisa nang mapansin kong nag-iisa lang syang bumaba ng sasakyan.

“Hindi, Knives, pero malapit na. Baka after ng kasal dito na rin sya tutuloy dahil madedestino na sya sa malapit.”

‘Oportunista,’ isip-isip ko.

“Well, I gotta get going,” paalam ko sa kanila. Pero sinubukan akong pigilan ng butihin kong ama. Natuwa sya nang husto sa pagiging polite ko sa madrasta ko.

“We’ll have dinner first, Knives,” ngiti nya sa akin.

“I can’t, Dad. Sorry. I gotta be somewhere important." Bago pa sya nakapagsalitang muli ay nakalabas na ako ng malaking pintuan.

Nakamaang silang lahat sa akin nang sumakay ako sa aking SUV. Nakita ko ang pag-wave sa akin ni Atsi, sinenyasan ko syang tatawagan ko sya pagkatapos ay pinaharurot ko na ang aking sasakyan.

Sinulyapan ko saglit ang aking Rolex habang palabas ako sa malaking iron gate ng mansyon. Kailangan kong agahan ang pag-aabang ko.