Chapter 33

Third person point of view

"Connor, tingin mo ay magugustuhan ng anak natin ang damit na ito?"

Isang linggo...

Isang linggo na ang nakararaan magmula ng tuluyang iwan ni Florence si Connor. At hanggang ngayon ay hindi pa rin siya makapaniwala na wala na ito sa tabi niya at malaki ang posibilidad na hindi na buumalik. Pero kagaya ng sinabi nito sa kaniya ay inaayos na niya ang buhay niya ngayon.

"Connor?"

Napatingin siya kay Calixta at doon ang siya natauhan. Kasama pala niya ito ngayon.

"May sinasabi ka ba?" Tanong niya.

Pinilit niyang ibaling dito ang atensyon niya pero wala pang isang minuto ay nag-lakbay na naman ang utak niya kay Florence.

Mula ng umalis ito ay saka lang niya na-realize ang labis labis na pagmamahal niya dito.

"Oo, tinatanong ko kung tingin mo ba ay bagay ito sa anak natin?"

Napatingin siya sa damit na ipinapakita nito. Muli na naman naglakbay ang isip niya.

Malaki na kaya ang tiyan ni Florence? Yung anak kaya namin bagay na bagay siguro kahit ano pa ang suotin.