Chapter 22

Hindi ko alam kung ano'ng oras na nang dumating si Ivan, dahil pagkatapos naming mag-usap ni Mommy umakyat na ako ng silid at pinilit na matulog. Ayaw kong mag-overthink at mag-iiyak.

Naramdaman ko ang mahigpit na yakap sa akin ng aking asawa. May binubulong siya sa akin ngunit dala ng labis na antok, hindi ko naintindihan.

Nauna akong magising kinaumagahan. Naligo ako at bumaba sa kusina upang tumulong sa paghahanda ng almusal. Gising na din sina Mommy at Daddy. Nagkakape sila habang nagbabasa ng dyaryo.

"Hindi kami nakatulog ng maayos ng mommy niyo..."

Nilingon ko si daddy habang nag-i-slice ako ng gulay. Gusto kasi ni Ate ng salad tuwing breakfast—ako na ang gumawa ng almusal niya.

"Bakit po, daddy?"

"Iniisip ka namin, anak..."

Kinagat ko ang aking labi at hindi nakapagsalita. Kung hindi dahil sa kanilang mag-asawa na kumupkop sa akin ewan ko na lang kung saan na ako ngayon. I'm thankful na mayroong mabait na kaibigan ang mga magulang ko na kumupkop sa akin. Ramdam ko ang pagm