Chapter 28

"May gusto pa kayong kainin?" Nakatingin sa akin si Ivan. Ang mga mata ko ay tinuon ko naman kay Heather.

"I'm sleepy already, daddy..."

"Okay, umuwi na tayo."

Binuhat ni Ivan ang kaniyang anak, nang makita na naluluha na ang mga mata sa makailang ulit na beses na paghikab nito.

Mukhang napagod ito ng husto. Mabuti na lang at malapit lang naman ang mansyon ng mga Greco dito sa mall.

Hirap na hirap nang magmulat ng mga mata si Heather nang makarating kami. Hinalikan siya ng kaniyang lolo at lola. Binati niya ang mga ito ngunit halos hindi na matapos ang sinasabi sa kanila.

Sumama ako sa pag-akyat sa silid ni Ivan. Kinurot ko pa si Lucinda nang ayaw nitong sumunod sa akin.

"Bakit kasama ako? Hindi naman ako parte ng family..." bulong niya habang nakasunod sa akin sa pag-akyat sa may hagdanan.

"Takot ka bang masolo si Ivan?"

Pinandilatan ko siya ng mga mata. Ngumisi naman siya at nanunuksong tumingin sa akin.

Nagpalinis pa naman ng katawan si Heather sa akin. Mabilisan na lang