Chapter 27

Nakarating na kami sa condo. Naupo ako sa sofa at tumunganga ng ilang sandali. Hinihintay kong dumating iyong in-order kong food sa Grab.

Hindi ko namamalayan na naupo pala sa tabi ko si Lucinda. Nakangiti siya tapos nginuso niya iyong paper bag na bigay ni Ivan.

"Bakit?" Humalukipkip ako.

"Buksan mo na, excited na ako."

"Di, buksan mo," utos ko naman.. Hindi ako interesado. Ayaw ko na nga sanang kunin, siya lang itong maingay kanina. Ayan tuloy. Panira ng plano.

"Sure ka?" Hindi ako sumagot. Sa sobrang tsismosa, hindi talaga nakatiis. Binuksan niya ang paper bag saka nilabas ang isang medyo may kalakihan na jewelry box.

Suminghap si Lucinda. Nakatingin lang naman ako doon, hindi na-e-excite.

"Isang set ng diamond na jewelry!"

Isang singsing, isang bracelet, isang pares ng hikaw at kuwintas na mayroong madaming bato. This set costs millions. Bakit naman niya ako binigyan ng ganitong kamahal na alahas?

Tsss!

"Ang ganda! Suotin mo 'to bukas!"

"Ayaw ko..." Sumimangot siya.

"Sa