TAYO NA LANG ULIT 5

Hinatid ako ni Aling Minerva sa pangalawang palapag kung saan ako mamamalantsa. Alas-nuebe na ngayon ng umaga. Tinanghali na ako dahil inasikaso ko pa si Nanay na may sakit. Wala si Tiyong. Hindi ito umuwi kagabi kaya nag-alangan pa akong iwanan kanina si Nanay.

Napatingin ako sa malaking balkonahe kung saan ko unang nakita noon si Sir Angus. Tahimik ang mansyon, hindi ko pa nakikita ang tatlong lalake.

"Umalis yata ang mga Senyorito," sabi ni Aling Minerva kaya nakahinga ako nang maluwag. Mabuti naman kung ganoon.

Sinimulan kong plantsahin ang mga tshirts at mga polo nila. Hindi ko alam kung alin dito ang pagmamay-ari nino. Bahala na lang sila mamaya.

Ilang araw pa lang sila dito pero ilang damit na ang nagamit nila. Ang sipag naman nilang magpalit ng damit. At sana na lang lahat madaming damit.

Nakalahati ko na ang pinaplantsa ko nang magbukas ang isang pintuan. Agad inatake ng mabangong amoy ang aking ilong. Lumabas si Sir Angus mula sa silid. Bagong paligo pa ito. Akala ko ba