Chapter Six: Ang Masungit na Hunter

Hindi na naglaban pa si Deborah kaya naman tuluyan na siyang iniharap ng Mortano sa himpilan ni Prinsesa Nini.

"Anong ginawa mo Yusef? Bakit mo siya kinaladkad papunta dito?" natatarantang sabi ni Prinsesa Nini nang maibaba si Deborah ng Mortano.

"Nakita ko siyang umaali-aligid sa labas ng palasyo ninyo mahal na Prinsesa kaya dinala ko siya sa iyo upang masiyasat...." pawis na pawis na pagpapaliwanag ng Mortano.

"Kalagan niyo nga siya!" naiiritang utos ni Prinsesa Nini sa mga bantay ng palasyo na nasa loob din ng himpilan.

Nang makalagan si Deborah ng mga bantay ay nilapitan siya ni Prinsesa Nini, "Ayos ka lang ba?" Tumango lamang siya bilang tugon.

"Bakit mo siya pinakakalagan Prinsesa? Kilala mo ba siya?" pagtataka ng Mortano.

"Oo dahil bisita ko siya! Nakita kasi naming nahimatay ang big sister niya nang magpunta kami sa templo kanina kaya tinulungan ko sila at pinatuloy muna dito sa palasyo" kuwento dit