Kabanata 135

MIKAY

"Kaya po ba malungkot si Papa?"

"Opo."

Ipinaliwanag ko sa kaniya ang nasaksihan niya nang lumabas silang mag-ama. Alam ko naman na may tanong sa kaniyang isip ngayon, kaya mabuti lang din na alam niya ang tungkol doon. Bata pa siya, oo, pero alam ko na kahit papaano ay may karapatan siyang malaman ang tungkol dito.

"Kawawa naman po pala si Papa. Huwag ka pong mag-alala, Moma, poprotektahan ko po si Papa."

Napangiti ako dahil sa sinabi niya.

"I should be the one protecting you."

Parehong nabaling ang tingin namin kay Damon na pumasok sa kwarto ni Dal. Lumapit siya sa amin at saka humiga sa kama.

"Papa, syempre pinoprotektahan mo na kami ni Moma, edi dapat may poprotekta rin sa iyo at mag-aalaga."

"But it's my responsibility to protect you."

"Papa, bilang anak mo, responsibilidad ko rin po iyon."

Hindi ko maiwasang mapangiti habang nakikinig sa kanilang dalawa.

"Baby, your responsibility for now is to play and have fun, enjoy your days being a kid."

"Papa, na e-enjoy ko naman po.