Chapter 2

Time check

2:30 a.m.

        Hayss! Umaga na pero wala pa ring pumasok na mga eksena sa isip niya para sa kanyang ginagawang nobela na 'Macaroons and Buttercups'. Most part of it ay hango sa tunay na buhay. Kahit may plot na hindi pa rin niya maiwasang magkaroon ng writers' block. 

        Grrrr! 

        Kasalanan ito ng impaktong si Zeus! Si Zeus na walang ginawa kundi ang kulitin siya. Kulang talaga sa pansin ang isang iyon. Nakakainis!

        Sinira nito ang kanyang araw. He just pushed away her suitor. Again. Yes, again. Ilan na bang manliligaw niya ang umurong sa panliligaw sa paninira sa kanya ni Zeus sa mga ito. Kaya naman pala ilang araw nang hindi nagpaparamdam sa kanya si Mark, kung anu - ano na naman ang sinabi ni Zeus. Ano bang akala nito sa sarili niya? Anong karapatan nitong panghimasukan ang buhay niya? 

        Bata pa lamang sila ganoon na talaga si Zeus. Walang ibang alam gawin kundi ang pestehin siya saan man sila naroroon. Sa school nila sa BISU, sa mini - mart nila pag dumuduty siya at sa tambayan nila, Sweet Buds na pagmamay - ari na nina Tita Karren at Tita Miles simula nang umalis ang pamilya ni Tito Enzo.

         Literal na kahit saan sila magtagpo, siguradong riot. Napabuntunghininga na lamang siya sa isipin. 

         Umunat siya sa pagkakaupo at agad na padapang sumalampak sa kanyang kama. Siguro kailangan na muna niya isantabi ang pagsusulat ng kanyang bagong nobela, ang Macaroons and Buttercups. Gusto niya kasi talagang gawing pulido ang istorya dahil espesyal ito sa kanya. 

Hayss! Hindi niya namalayan ang oras. Alas tres na pala ng madaling araw. May klase pa siya bukas ng alas 9 ng umaga sa BISU bilang AB Mass Com student. Napahikab siya at bahagyang dinalaw na ng antok nang mapatingin sa monitor ng laptop dahil may mag pop sa kanyang notification sa kanyang F*.

        Ayon sa official fan page ng BISU, supended ang klase sa lahat ng antas dahil sa Bagyong Biring. Maging ang mga empleyado ng gobyerno at pampribadong kompanya ay walang pasok. 

        Hay salamat, makakabawi na rin siya sa kanyang nakaraang puyat. Thanks God!

*******************

        13 years ago...

        Napansin ng batang si Fritzene ang bolang gumulong sa daan mula sa loob ng bakuran ng isang malaking bahay sa harap niya. Nilinga linga niya ang paligid. Sinilip din niya ang bakuran ngunit wala siyang makitang tao. Ang mga magulang naman niya ay busy habang kausap ang Tita Karren niya sa kabilang gate. Pinulot niya ang bola at naisipang isauli sa may - ari nito. Dahan dahan siyang pumasok sa bakuran kung saan galing ang bola. 

        Malapit na siya sa terrace ng malaking bahay nang biglang sumulpot ang isang batang lalaki na kasing edad marahil niya. 

        Agad siyang ngumiti sa lalaki at akmang kakaway nang maalalang may hawak nga pala siyang bola.

        Saglit na natigilan ang bata at napatitig sa kanyang mukha. Bumaba ang tingin nito sa kanyang hawak na bola. Kagyat na nag - iba ang tingin nito. 

        "Hey!.. " sigaw nito. "Why are you stealing my toys?"

        Bahagyang napa urong siya sa takot. 

        "What?" gulat na gulat na tanong niya sa lalaki. Siya, si Fritzene, magnanakaw? No way! Siya na itong nagmagandang loob siya pang pagbibintangan ng kung anu - ano. Sa biglang pumasok sa isip ay bumangon ang inis sa kanya. "I'm not a thief, you brute!"

        Kasabay ng pagsigaw dito ay inihagis niya sa mukha nito ang naturang bola. 

        'Oppss.. napalakas!'

        Bahagyang naalog ang mukha ng bata.

        "Zeus!" tawag mula sa loob ng kabahayan kung saan lumabas kanina ang lalaki. Napalingon ito sa pinanggalingan ng tinig.

        'So Zeus pala ang pangalan nito.' 

        'Sorry but not sorry.'

**********************