Chapter 119.3

Agad naman na iniunat ni Annie ang kanyang kamay at dahan-dahan niyang inilagay ang mga ito sa kanyang tiyan at mahinang nagsalita.

"Alam mo ba dati ay may dalawang buhay rito? Naririnig ko ang bawat tibok ng mga puso nila at nakita ko pa sila mismo sa ultrasound. Alam mo ba kung gaano ko sila kamahal at napakarami pang bagay na handa akong isakripisyo para lang sa kanila? Pero ngayon…” muli siyang napakagat-labi. “Wala na sila…” sambit niya.

"Wala na sila… ayaw na nila sa akin…" sa huli ay hindi napigilan ni Annie na hindi mapaiyak. Nanginig ang kanyang mga labi dahil sa pagpipigil niya ng pag-iyak. Yumuko siya upang hindi nito makita ang sakit sa mga mata niya dahil sa pagkawala ng mga anak niya.

Samantala ay halos hindi naman makagalaw si Lucas at para siyang na-estatwa dahil sa narinig niya. Mga baby? Ibig sabihin ay totoo ang sinabi nito noon sa kaniya. Totoo rin ang sinabi ni Greg sa kaniya? Ibig sabihin ay hindi kasinungalingan lahat ng iyon at totoong buntis ito nang maaksiden