EPILOGUE

HAILEY ROMESHELL...

"Ahhhhhh!" malakas na hiyaw n'ya habang mahigpit na nakakapit sa gilid ng kama ang mga kamay. Sobrang sakit ng kan'yang t'yan at halos mawalan na s'ya ng boses sa kakasigaw.

Pawis na pawis din s'ya at parang panawan na ng ulirat dahil sa sobrang sakit na nararamdaman. Hindi n'ya inakala na ganito pala kasakit ang manganak.

Nasa delivery room s'ya at kasalukoyang umiere para mailabas ang kanilang panganay ni Henry. Ang bilis ng panahon, parang kailan lang ay naglilihi pa s'ya ngayon ay ilalabas n'ya na ang kanilang panganay.

Hindi n'ya pinasok ang asawa sa delivery room dahil baka mawalan na naman ito ng malay katulad sa nangyari dito noong malaman nila na buntis s'ya.

Matapang na agent ng FBI pero hinimatay ng malaman na buntis s'ya. Pinagtatawanan ito ng pamilya nila lalong-lalo na ang nga pinsan nito ng malaman ang nangyari rito.

"Isang ere pa Hailey," utos sa kan'ya ni Lucy na s'yang doctor n'ya ngayon. Ayaw ni Flinn ng lalaking doctor at gusto pa nitong magwala