THE BILLIONAIRE AND THE BRAT C45

HENRY FLINN...

"Henry lumayas ka rito, ang baho-baho mo!" sigaw ng asawa sa kan'ya habang pinagbabato s'ya ng mga unan at pinapalayas sa kanilang kwarto. Hindi n'ya alam kung bakit bigla na lamang ito naging ganito sa kan'ya.

Ayaw s'ya nitong makita sa bahay at ayaw din s'ya nitong nasa malapit lalo na kapag maamoy nito ang kan'yang amoy. Wala naman s'yang putok o amoy sa katawan pero pakiramdam ni Hailey ay masusuka ito kapag nasisinghot ang amoy n'ya.

"Baby ano ba ang nangyayari sayo?" nag-aalalang tanong n'ya rito.

"Get out! Huwag mo akong bwesitin Henry, lumayas ka!" naiiyak na taboy nito sa kan'ya. Gusto n'ya man itong lapitan ngunit nag-aalala s'ya na baka mas lalo pa itong magalit kaya lumabas na muna s'ya at bumaba.

Pabagsak s'yang naupo sa sofa at inihilamos ang palad sa mukha. Hindi n'ya na alam ang gagawin. Limang araw ng ganito si Hailey at hindi n'ya alam kung bakit. Wala naman s'yang ginawang kasalanan rito.

Baka ganito talaga ang ugali ng mga babae. Sa una lang sweet sa