Chapter 13

Matuling lumipas ang mga araw at linggo, parang isang bolang tuloy tuloy na gumulong. Hindi ko na namalayang komportable na pala akong kumikilos sa mundong noon ay inakala kong rehas.

Sabado ngayon at naisipang mag-outing ng mga kabataan sa ministry. Ipinagpaalam pa ako nina Jai at Quin kay mama, pumayag din si mama dahil kumare niya pala ang ina ni Jai. Hayon at tila naging aligaga pa si mama sa mga dadalhin kong gamit, nagbigay pa ng pocket money ko daw kahit hindi naman na kailangan noon.

Taliwas ito sa mga nauusong outing na sa tabing dagat, dahil bundok ang aming pupuntahan at ang pokus ay ang magkatipon tipon ang mga kabataan. Maingay pa kami habang naglalakad paakyat sa bundok. Nag-aawitan ang lahat ng mga Christian songs.

Nakasunod naman sa akin si Quirou, at inaalalayan ako sa mga parteng mahirap daanan. Patawa-tawa na lang din ako sa tuwing