Kabanata Cuarenta y cinco

ILANG BESES na ba niyang inisip ang tagpong ‘to? Hindi na niya bilang.

Pero isa lang ang nasisiguro ni Andrew.

Ito na ang katapusan ni Alberto Roces.

Pero kung siya ang papipiliin? Mas gusto niya munang danasin nito ang nangyari sa kanya.

Taste his own medicine.

Ang tangkang pagpatay sa kanya na kung hindi lang nagawang iligtas ay baka naaagnas na ang katawan niya sa ilalim ng lupa.

Gusto niyang lapitan si Alberto at suntukin sa mukha kahit isang beses, makaganti lang.

At para magawa ‘yun ay kailangan niyang makalapit. Humakbang siya ng ilang beses.

“Oy, sa'n ka pupunta?” Pigil ni Scarlette at hinarang pa ang kamay na sakto namang natamaan sa tiyan si Andrew na hindi pa gaanong magaling mula sa tinamo.

Napaatras ito at matalim na tumingin kay Scarlette na walang kamalay-malay sa nagawa.

Matapos na mapigilan ay binalik ni Scarlette ang atensiyon kay Alberto. “Okay na ba?” Saka ito pinusasan nang tuluyang hindi makasagot dahil sa labis na pagkabigla. Pagkatapos ay tinuro ang lawyer na k