Kabanata Cuarenta y seis

SA PAGPUPULONG NA NANGYARI sa kompanya ay napagpasiyahan ng karamihan sa pamamagitan ng pagboto, na magiging bakante pansamantala ang posisyon ng CEO. Kahit pa ang iba ay nag-aagawan na maupo lang sa posisyon.

Pagod na bumalik sa opisina si Luna at agad na naupo sa swivel chair. Hindi pa tapos ang araw pero pagod na pagod na siya dahil sa gulo nang naganap na meeting.

Ang ingay at kanya-kanyang suggestion sa meeting kung sino ang dapat na pumalit kay Alberto Roces kahit hindi pa man din napapatunayan na may ginawa nga itong krimen. Puro pansariling hangarin ang nais ng iba kaya gusto na lamang niyang matapos ang lahat.

Hindi pa rin tumatawag ang pulisya upang linawin ang lahat. Magmumukha lang tuloy katawa-tawa ang mga nagpakabibo kanina sa meeting kung bigla na lamang bumalik si Alberto.

Isa pa'y kailangan niyang isipin ang mangyayari sa kanya at sa ibang katrabaho. Matutuloy ba ang paglipat nila o hindi, ngayong nagkaro’n ng pagbabago dahil sa biglaang pagdakip kay Alberto Roces?

Ka