Kabanata Cuarenta y ocho

MATAPOS NA MAIHATID si Luna sa mansiyon ay ipinagkatiwala muna ni Marcus ang asawa sa pangangalaga ng Mayordomang si Myrna. Ibinilin niya pang huwang itong iiwan at palalabasin ng mansiyon habang wala siya't may aasikasuhing importante.

Sa may daan habang nagmamaneho ay tinawagan niya si Scarlette, “Si Alberto?”

“Ini-escort na sa van para mailipat na sa kulungan. May gusto ka bang ipasabi?”

“Kumuha ka ng samples, hibla ng buhok, laway o kahit ano na pwedeng gamitin sa DNA test.” Pagkatapos ay napasulyap sa passenger seat kung sa'n niya hinagis ang envelope na kanina'y nilamukos.

Walang maraming tanong ay um-oo si Scarlette. “Ako nang bahala,” aniya dahil maging siya ay hindi natutuwa sa ginawa ni Roces. Dapat mabigyan ng kalinawan ang lahat at matigil ang kalukuhang ginawa nito.

“Salamat,” ani Marcus saka tinapos ang tawag. Patungo siya ngayon sa ospital para makausap si Liliane.

Kung totoo man na si Alberto ang biological father ni Luna ay kailangan nitong managot sa nagawa nito kay