Chapter 24 Ang pagseselos ni Storm

ANG ganda-ganda mo talaga mahal ko, sabi ni Jiwan sa kanyang sarili. Kanina ay nawawalan na siya ng pag-asa na masisilayan ang kanyang mahal dahil hindi naman ito lumalabas sa opisina ni Storm. Kaya, para hindi na siya makapag isip pa kung anong ginagawa nina Storm at Judith, minabuti na lang niyang umalis. Sabi rin kasi niya sa kanyang sarili, kailangan niyang magplano kung ano ang dapat niyang gawin para mapaghiwalay niya sina Storm at Judith.

Palabas na sana siya sa Magaling Hospital nang bigla siyang huminto. Parang may umaawat sa kanya na humakbng pa palabas at saktong paglingon niya ulit sa pinanggalingan ay nakita niya si Judith.

Shit! Talagang tumibok na naman ang kanyang puso kaya hindi niya napigilan na sundan ito. Siyempre, hindi na niya palalagpasin pa ang pagkakataon na ibinigay ng tadhana sa kanya. Gayunman, nagbigay siya ng distansiya at nag ingat na hindi siya nito makita. Hindi dahil sa natatakot siyang makita ni Storm. Wala siyang pakialam sa kapatid niyang iyon. An