CHAPTER 54—The best advice

“Buntis po ako…” Napanguso ako para pigilan ang paghikbi ko. “S-Si Rome po ang ama. Siya po ang nakabuntis sa akin. M-Magkakababy na po kami kaya hindi niyo po pwedeng ilayo ang ama ng magiging anak ko,” matapang kong pag-amin at hinaplos ang tiyan ko.

Humarap siya nang mabilis na may gulat sa mata niya. Napahawak ako sa may bandang puson ko. Napahawak naman siya sa pintuan at huminga nang malalim dahil hindi siya makapaniwala.

“My God,” pagtakip niya sa bibig niya. “Is that true?”

Pinunasan ko ang tumulong luha galing sa mata ko at kinuha ko ang pregnancy test para ipakita sa kanya. Hinawakan naman niya ‘yon. Kitang-kita ko ang garalgal ng kanyang mga kamay.

“Oh God. What on earth is happening? H-How? When? How did this happen?” Takang-taka niyang tanong. Itinaas niya pa ang pareho niyang kamay sa pagtataka.

“May nangyari po sa amin ni Rome at pareho po naming ginusto ‘yon. Maraming beses po!” Diin kong pag-amin kahit nakakahiya mang sabihin. “Dahil mahal ko siya! Kahit sinasakta