Kabinata 7

"Isang oras mo nang tinititigan 'yang kape galing kay ex fubu mo, ah," nanunuksong ani Eli.

Napaayos naman ako ng upo at mabilis na tinapon na sa trashcan ang cup ng coffee na may sulat ni Roscoe. Napakamot ako sa batok at nag-iwas ng tingin sa kaniya.

"Huwag mo akong simulan, Eli," I warned.

Tumayo siya sa pagkakahiga sa sofa at nilapitan ako sa countertop. Napasigaw naman ako nang biglang hilain nito ang buhok ko sabay upo sa harapan ko.

"Ikaw ang huwag akong simulan dahil nakikita ko na naman 'yang ngiti mo from five years ago!"

"H-Hindi naman ako nakangiti, ah!" pagdepensa ko at nilapitan na lamang si Anya na nanonood sa sofa.

"Hay naku, Aya. Ayan ka na naman, ha. Kakabalik lang ng lalaki, nababaliw ka na naman, " ratsada pa niya.

"Hindi ako nababaliw, Eli. Hindi ba pwedeng nagtataka lang kung bakit may pa-kape?" rebat ko at kinarga na si Anya dahil pabagsak-bagsak na ang ulo niya.

"Mas nagtataka ako kung bakit ang nakasulat doon ay 'Stop staring at me' ibig sabihin naka tit