Chapter 8: Lie

NAGISING si Lily sa pagtama ng liwanag ng araw sa kaniya na nanggagaling sa bintana ng kwarto. Naramdaman pa niyang may mabigat na bagay ang nakapatong sa kaniyang tyan.

Tumingin siya rito at nakita niya ang braso ng isang lalaki. Sinundan niya ang brasong iyon ng tingin hanggang sa makita niya ang mahimbing na natutulog na si Tyler sa kaniyang tabi at nakayakap pa sa kaniya. Lumaki ang mga mata niya sa nakita kaya agad itong napabangon at napatili. "AAHHHHH!!!"

Dahil sa kaniyang ingay ay agad na napabangon din si Tyler. Nagising ito sa kaniyang malakas na sigaw. Kinuha niya ang kumot at tinago ang katawan mula dito. Napakunot-noo naman si Tyler sa nangyayari. "What happened?" Nagtatakang tanong nito pero agad ding napahawak ito sa ulo dahil sa hangover. "Argh!"

"Anong ginawa mo sa'kin? Bakit ka andito?" Nagtaka si Tyler sa kaniyang sinabi. "What are you talking about?" Takang tanong nito habang hinihilot pa ang ulo nito. Iniisip ni Lily na may nangyari sa kanilang dalawa pero bakit