"TORI, may tatlong araw ka na lang, baka nakakalimutan mo!"Napapangiwi si Tori habang nakikinig sa walang katapusang litanya ng choreographer niyang si Zeus. Tama naman ito. Tatlong araw na lang ang natitira sa kanya bago ang mismong araw ng comeback concert niya sa Polaris Stadium. "Oo na, ito nga. Nagbihis lang, eh," aniyang sinadya pang lambingan ang tinig habang nilalagay sa loob ng kanyang sports bag ang mga hinubad na damit.Alas-onse y media na ng tanghali at lunch time na nila sa Sebastian Plantation pero sa halip na tumuloy sa canteen para kumain ay dumiretso si Tori sa comfort room para magbihis ng baon niyang jogger pants, maluwag na white t-shirt at sneakers. Hindi pa naman siya nagugutom kaya mamaya na lang siya kakain. "Asus!" naka-ismid na turan ni Zeus kay Tori. Magkausap silang dalawa via video call sa iChat. "Buti pinayagan ka ni Taj Sebastian na mag-rehearse diyan." nakangusong ani pa ng choreographer. Itinali ni Tori ang kanyang buhok sa likod at nang masigurong
UMAALINGAWNGAW ang malakas na hiyawan ng mga fans ni Tori nang matapos niyang i-perform ang Isa sa naging hit song niya na pinamagatang Move. And it was one hell of a hot performance! "Tori!" "Tori!""Tori!"Sabay-sabay na sigaw ng mga naroon sa loob ng Polaris Stadium na sinasabayan pa ng malakas na palakpakan at ang ilan ay sinamahan pa ng pagpadyak ng mga paa. "God, namiss ko ito! Namiss ko ang performance ni Tori na nagpapa-init ng stage. Jusko!" "The queen is finally back!" "Grabe 'yon!""Infinite Star indeed!" "Kaya hindi ako pumunta sa Fan Feast kahit isa siya sa nagperform doon, eh. Hinintay ko talaga itong comeback concert niya. At sulit ang ticket ko..."Ilan lamang iyon sa mga komento ng mga fans na matagal na naghintay sa pagbabalik ng kaisa-isang Infinite Star ng Pilipinas. At hindi sila binigo ni Tori dahil binigyan sila nito ng sobra pa sa inaasahan nila nang bumalik ito sa entablado. Sa kabila ng mga issues na kinasangkutan nito limang taon na ang nakakaraan magi
NAPATIGIL sa akmang pagpasok sa kanyang opisina si Taj nang mapansing iba ang nakaupo sa p'westo ni Tori. "Where's Miss Herrera?" kunot ang noong untag niya kay Jane, ang secretary ni Oxygen na siyang manager ng accounting department ng Sebastian Plantation. Mula sa ginagawa ay nag-angat ng paningin si Jane. "Ah, tumawag daw po siya kay Sir Oxy kagabi, Sir. Masama raw Po ang pakiramdam kaya ako na muna ang pansamantalang pinapunta ni Sir dito.Mas lalong lumalim ang gatla sa noo ni Taj. "Bakit hindi siya nagsabi sa akin?" mainit ang ulo na tanong niya. Napakamot sa ulo si Jane. "Hindi ko po alam, Sir pero ang alam ko po, eh, nagsend daw po siya ng E-mail sa inyo sabi ni Sir Oxy." Hindi na nagsalita si Taj. Tumuloy na siya sa kanyang opisina at nang makaupo ay kaagad niyang binuksan ang kanyang email. Sandali siyang nagscroll para hanapin ang email ni Tori at nang makita iyon ay kaagad niyang binuksan. Napabuga na lamang ng hangin si Taj. Pinindot niya ang intercom sa kanyang tabi
"HOW IS SHE?" kaagad na tanong ni Taj kay Kalil nang bumukas ang pinto ng silid ni Tori at mula roon ay lumabas ang kaibigang doctor. Pinalabas siya ni Kalil kanina nang makarating ito. Gusto niya sanang tumutol pero wala siyang nagawa nang ipagtulakan siya nito palabas. Wala naman daw siyang maitutulong dito at magliligalig lang daw siya habang sinusuri nito si Tori. "She needs a rest." tipid na sagot ni Kalil habang abala sa pagsusulat sa dala nitong maliit na notepad. "And?" "And when I say rest," patuloy ni Kalil. "I mean to say, complete rest, Taj. Hindi isa o dalawang araw lang. Kailangan niya ng at least isang linggo o mahigit pa na pahinga." Kumunot ang noo ni Taj. "Because?" aniyang bakas sa mukha ang pinaghalong pag-aalala at pagka-irita. He needs Tori in his office!"Over fatigue and she's mentally and physically drained, man," Ani ni Kalil bago inabot kay Taj ang hawak na papel kung saan nakasulat ang mga gamot na kailangan ni Tori. "Hindi pa fully recovered ang kata
"THIS IS bullshit, Tori!" madilim ang anyong sabi ni Sid na napigilang hampasin ang kaharap na mesa. Kasalukuyan silang nasa conference room ng Crystal Music at pinag-uusapan kung ano ang dapat na gawin para sa nalalapit na world tour ni Tori. Matalim naman ang mga matang tiningnan ni Winona si Tori bago niya sinulyapan ang kapatid na si Sid na siyang President ng Crystal Music na under ng Rodriguez group of companies."I'm so sorry, Sid," hindi naman nagpatinag sa nakikitang galit ng mga kasama niya sa loob ng conference room na turan Tori. "but my decision is final. I only have two options—reschedule the world tour or I'll cancel it then—" "You are not in the position to bargain, Tori Herrera!" medyo mataas na ang boses na sabi ni Winona. Nagkibit ng balikat si Tori. Hindi na bago sa kanya ang hindi magandang pagtrato ng Ate ni Sid sa kanya. Noon pa man ay ipinakita ng babae sa kanya na hindi siya nito gusto para sa kapatid nito na hindi naman niya binibigyang pansin dahil wala n
Pagkagaling ni Tori sa press conference ay tumuloy siya sa suking flower shop para bumili ng bulaklak. Kagaya ng kanyang inaasahan ay nakahanda na ang mga bulaklak na maayos na naka-arrage sa yantok na basket. Pinaghalong matingkad na kulay pula at puti ang mga iyon na siyang madalas niyang bilhin simula pa noong umuwi siya sa Pilipinas. "Magandang araw, Miss Herrera," may magiliw na ngiti sa mga labi na bati ng may-ari ng flower shop kay Tori nang pumasok siya sa loob. Kasalukuyang nag-aayos ng mga bulaklak ang babaeng marahil ay nasa kuwarenta mahigit na ang edad. Kaagad nitong itinigil ang ginagawa nang tumunog ang wind chime at nang malingunan si Tori ay mabilis siya nitong sinalubong. "Magandang araw din ho sa inyo, Mrs. Torres," tipid ang ngiti sa mga labi na tugon naman niya sa kaharap. "Nakahanda na ang mga bulaklak mo," ang sabi ni Mrs. Torres bago niya sinenyasan ang babaeng ilang taon na rin niyang katu-katulong sa shop. "Aida, 'yong order ni Miss Herrera," aniya rito
FIVE YEARS AGOITADAKIMASU, isang fine dining restaurant na nagse-serve ng mga authentic Japanese food na matatagpuan sa bahaging iyon ng Eastwood sa Quezon city. Mula sa dalang kotse ay bumaba si Tori at nagmamadaling naglakad papasok sa restaurant kung saan sila magkikita ni Sid. Nanggaling pa siya sa Cavite dahil may ribbon cutting siyang dinalohan. Tumawag kay Jessa ang mommy niya at ang sabi ay gusto raw siyang makausap ng lalaki. Hindi raw siya sumasagot sa tawag kaya ang PA na lang niya ang kinontak. Saka lang din napagtanto ni Tori na hindi pala niya nadala ang cellphone niya. Naiwan niya marahil sa bahay nila dahil sa sobrang pagmamadali na makaalis kanina. "Good evening," bati ni Tori sa crew na lumapit sa kanya nang makita siya nitong papasok. "Reservation for Mr. Sid Rodriguez, please." aniya sa babaeng kaagad namang tumango sabay lahad ng kamay."This way, Ma'am, please," Ani ng crew bago siya nito iginiya patungo sa medyo sulok na bahagi ng restaurant. Kaagad na natan
NANG MULING idilat ni Tori ang kanyang mga mata ay sinalubong siya ng kulay puting kapaligiran. Nangunot ang kanyang noo lalo na nang mapuno ng amoy ng gamot ang ilong niya. Natigilan siya saka niya naalala ang huling nangyari bago siya nawalan ng malay. "Taj!" bulalas ni Tori bago siya mabilis na bumalikwas ng bangon para lang muling mapabalik sa higaan nang may mga kamay na pumigil sa kanya. "Relax lang ho kayo, Miss Herrera," anang malambing na tinig ng isang babae. Nang tingnan niya ito ay saka niya napagtanto na nurse pala ang pumigil sa kanya. "No, kailangan kong makalabas," turan niya habang nagpupumilit na makabangon. "I need to talk to my husband." dugtong pa niya na tinugon naman ng nurse ng malawak na ngiti. "Ah, huwag ho kayong mag-alala," Ani ng nurse habang inaayos ang pagkakahiga niya. "babalik po siya. May kinausap lang ho sa labas."Natigilan si Tori at naguguluhang napatitig sa nurse. Ano ang ibig nitong sabihin? Alam na ba ng Mommy niya ang tungkol sa kanila ni