Chapter 71

Tumingin ako sa mga magulang ni Alexander na pinipigilan ang anak nilang suntokin si Miguel nang nakita niya ako.

"Wala ka talagang mabuting bagay na naiambag sa pamilyang 'to!" galit na asik ni Ate Cecile. Tumayo siya at naglakad patungo sa akin. "Puro ka na lang kahihiyan! Pati pamilya ni Alexander pinapahiya mo!"

"Shut up, Cecile!" Ipinagsiklop ni Daddy ang mga kamay niya. Hindi siya makatingin sa akin dahil nasa kay Miguel ang paningin niya. "Hindi maayos 'to kung pagagalitan natin ang kapatid mo. Kailangan nating kumalma at pakinggan ang hinaing niya tungkol sa balitang kumakalat sa media na may relasiyon silang dalawa ni Miguel!"

"Kung malandi ako, mas malandi pa pala 'tong anak sa labas!" Padabog na bumalik sa pagkakaupo si Ate Cecile sa tabi ni Mommy.

Binigyan ako ni Manang Cristy ng sariling upoan at inilagay ito sa harapan. Maingat kong ibinaba ang bag ko bago tumingin sa kanila. Pumikit ako ng ilang segundo pagkatapos kong sulyapan si Miguel.

"Sinabi na ni Miguel sa am