Chapter 73

"Miguel, saan tayo pupunta kung itatanan mo ako?"

Nagdilat ako ng mata. Napahawak ako sa dibdib ko nang naramdaman ang mabilis na pagtibok ng puso ko. Napatingin ako sa wall clock. Pasado alas diyes na ng umaga. Luminga-linga ako sa loob ng kwarto, hinahanap si Miguel pero hindi ko siya nakita. Napasinghap ako nang napagtantong panaginip lang pala ang lahat.

Umahon ako sa kama at nagbihis ng damit. Uminom ako ng tubig bago bumalik sa pagtulog. Sinubokan kong matulog ulit ngunit hindi na ako dinadalaw ng antok. Kinuha ko ang cellphone ko saka tiningnan ang ilang mensahe galing sa mga kaibigan at katrabaho. Silang lahat ay nagulat at hindi makapaniwala sa balitang kumakalat tungkol sa amin. Tinatanong nila ako kung may katotohanan ba ang balitang 'yon.

Tiningnan ko ang numero ni Miguel, gusto ko siyang tawagan upang kumustahin. Gusto ko siyang puntahan sa silid niya pero hindi pwede. Kung pupunta ako roon kahit wala akong kailangan mas lalong magtataka ang mga tao sa mansiyon. Lalon