chapter 29

Pagkatapos magpaalam ni Dianne ang naging abala na ako sa trabaho. Ayaw kong may ibang masabi ang mga katrabaho ko kaya ako na mismo ang nagpresenta na tapusin iyong ilang mga nakatambak naming gawain. Ayaw kong isipin nila na sinasamantala ko ang pagiging malapit ko kay RM kaya patetiks-petiks na lang sa ako trabaho.

Sa sobrang subsob ko sa ginagawa ay namalayan ko na lang na lunch break na pala nang mag-aya iyong iba kong mga kasamahan.

"Kasabay naman ni Jocelle mamaya si RM kaya hindi na natin siya isasama," nanunuksong pahayag ng isang lalaki kong katrabaho.

Agad na umugong ang tuksuhan habang nag-iinit naman ang mukha ko dahil sa hiya. Akala ko ay maiiwasan ko na ang mga panunukso nila dahil tahimik lang naman sila kanina pagkaalis ni Michael. Hinintay lang pala nila ang break.

"Mauuna na kami sa'yo, Jocelle, wala kaming kasabay na pogi eh," hirit ng isa kong kasamahang babae.

"Ano namang tawag mo sa amin?" kontra ng katrabahio naming lalaki na singundahan no'ng iba. "Lamang l