“AFTER THE HEAT”

PAGKATAPOS ng init ay pagal ang katawan na inihiga ni Marius ang sarili sa malambot na sofa. Ilang sandali lang naman siyang nanatili sa ganoong ayos. Pagkatapos ay bumangon na siya saka nagbihis. Wala siyang kahit anong sinasabi dahil ang totoo wala siyang ibang maisip.

Nakokonsensya siya.

Naaalala niya si Sam.

Alam niyang oras na malaman ng dalaga ang tungkol dito ay masasaktan at lalo itong magagalit sa kanya. Pero bakit ba niyang iisipan pa iyon? Eh iniwan na rin naman siya nito? Itinago at inilayo nito sa kanya ang anak nila. Kaya may dahilan na rin siya ngayon para magalit rito.

Nagpakawala ng mabigat na buntong hininga si Marius.

Totoo iyon. Masama ang loob niya kay Sam. Pero hangga’t maaari, hindi niya gustong alagaan sa puso niya ang galit na iyon. Dahil mahal niya si Sam at sa kabila ng lahat ng pinagdaanan nila, walang bang babae pa rin siyang gustong makasama kundi ito lang.

"Hindi ko gustong aminin sa sarili ko na mali ang desisyon kong hinayaan ko ang puso kong mahulog s