Chapter 48

Savina Pov

Tinapunan ko ng masamang tingin ang guard na nagdala sa akin ng pagkain sa loob ng kulungan at damit na para pamalit ko sa aking suot. Basta na lamang niyang itinapon sa mukha ko ang damit na para bang basurahan ang tingin niya sa akin at nagtatapon lamang siya ng basura. Pasalamat ang guard na ito na wala akong kapangyarihan ngayon dahil kung nagkataong hindi nawala ang kapangyarihan ko ay makikita niya kung ano ang hinahanap niya.

"Pagkatapos mong kumain ay isuot mo ang damit na iyan at saka puntahan mo si Alpha Desmon sa bahay niya," kausap ng guard sa akin sa tonong nag-uutos. "Huwag kang magtangkang tumakas dahil maliban sa hindi ka makakatakas dahil maraming sundalo ang nagbabantay sa paligid ay binigyan din kami ng pahintulot ng aming alpha na patayin ka sa oras na magtangka kang tumakas," babala niya sa akin. Hindi ko pa nga naiisip ang tumakas ay inunahan na niya ako.

"Ano ang binabalak nilang gawin sa akin?" tanong ko sa guwardiya.

"Huwag mo akong tanungin dahi