Chapter 15

Tessa's POV

NAKAUPO ako sa gilid ng kama habang tulala sa kawalan. Hindi agad umalis ang mga kaibigan ni Darius, kinailangan kong maghanda ng pagkain para sa kanila kasi ginabi na sila rito. Nagluto pa tuloy ako.

Nagmukha lang tuloy akong katulong dahil sa nangyari. Ewan ko kung pumunta sila para humingi ng tawad, o ipamukha talaga sa akin ang lugar ko. Na kahit kasal kami ni Darius, hindi mababago ang katotohanang katulong pa rin ako nito.

Natigilan ako sa malalim na pag-iisip nang may kumatok sa pinto. Bumukas iyon at iniluwa si Senyorito Darius. Hindi agad ako nakaimik nang magtama ang mga mata namin. Hindi kasi ako sanay na pumupunta siya rito.

"Can we talk?"

Umiwas ako. Pagagalitan niya ba ako sa inasal ko kanina sa mga kaibigan niya? O sa ginawa kong pag-amin?

Kahit hindi pa ako sumasagot, lumapit na siya sa akin at tumayo sa harap ko.

"Kung pagagalitan mo ako, gawin mo na agad. Inaantok na ako."

Narinig ko siyang bumuntonghininga. Lumuhod siya sa harap ko para magpantay ang muk