Chapter 9

Tessa's POV

NAPABALIKWAS ako ng bangon nang marinig ko ang sunod-sunod na katok sa pinto. Dali-dali akong tumayo at pupungas-pungas na tiningnan ang orasan sa sidetable ko.

12:51 AM.

"Open this door! Damn it!"

Napasinghap ako nang marinig ang galit na boses ni Darius. Nagmadali ako sa pagtayo at nilapitan ang pinto saka ito binuksan.

"S-senyorito Darius?"

Nakatayo ngayon sa harap ko si Senyorito Darius—ang asawa ko na hindi ko man lang matawag na akin. Magulo ang buhok niya, nakabukas ang tatlong butones sa itaas ng damit, nakaluwag ang necktie at pulang-pula ang mukha.

"Lasing ka?"

Napadaing ako nang tinulak niya ako palayo sa kaniya.

"Umalis ka sa dinadaanan ko! Ba't nandito ka sa kuwarto? Get out of here!"

Kagat-labi ko siyang sinundan ng tingin hanggang sa bumagsak siya sa ibabaw ng kama.

"Pero senyorito, kuwarto ko ito. Nasa kabila ang kuwarto mo."

Hindi siya sumagot. Maya-maya ay nakaring na ako ng mahihinang paghilik.

Bumuntonghininga ako bago lumapit sa kama. Sandali kong pina