Chapter 31

“Hindi ako makakapayag na mapunta sa babaeng iyan ang lahat ng ari-arian ng aming pamilya!” Nanggagalaiti na sigaw ni Esmeralda habang ang mga mata nito ay nanlilisik na nakatingin kay Zanella. Samantalang si Zanella ay mahigpit na nakayakap kay Rosario dahil natatakot siya sa mabagsik na mukha ng mga tao sa kanyang paligid na para bang gusto na siyang patayin ng mga ito.

“A-Attorney, p-paanong nangyari na wala man lang kaming mamanahin mula sa aming ama?” Si Gracia na kasalukuyang umiiyak na parang ngayon lang yata nahimasmasan.

“Wala na akong magagawa pa riyan, Mrs. Sandobal. Ang lahat ng ito ay desisyon ng inyong ama, ginawa ko lang ang trabaho ko. Besides, pwede n’yo namang habulin sa korte ang inyong mga karapatan bilang mga tagapagmana ng yumaong si Don Rafael. Ngunit, for now ay ako ang tatayo na pangalawang guardian ni Ms. Zanella. Kaya kung sakaling may mangyaring masama sa aking kliyente at mamatay siya ng hindi inaasahan, tulad sa unang nakalagay sa testamento ang lahat ng