Chapter 38

“Mamâ, where’s, Zanella?” Pagpasok pa lang sa pintuan ay ito na kaagad ang tanong ni Alexander sa kanyang ina. Tila sinampal si Samantha ng tanong na ito ni Alexander dahil siya ang nadatnan sa salas pero iba naman ang hinanap ng mga mata nito. “Nasa kwarto nyo, Iho.” Nakangiting sagot ni Rosario bago muling humarap kay Samantha. Tahimik na pumanhik sa hagdan si Alexander at diretsong tinungo ang kwarto nila ni Zanella, ni hindi man lang nito pinansin si Samantha na halos maluha na sa isang tabi.

Malungkot na pinagmasdan ni Rosario si Samantha at nakadama siya ng awa para dito. Sa totoo lang ay hindi niya alam kung paano aaluin o kakausapin ang dalaga. Dahil nauunawaan niya kung paano itong lubos na nasasaktan lalo na’t halata naman na paborito ng kanyang anak ang bata nitong asawa. Nahihirapan na siya sa sitwasyon ng tatlo at hindi niya lubos na maisip kung paanong umabot sa ganito ang lahat. Masyadong magulo ang sitwasyon.

“Iha, ako na ang humihingi sayo ng paumanhin dahil sa magu